Novas
URBANISMO
O PXOM de Teo entra en vigor coa súa publicación no Boletín Oficial da Provincia
21/07/2010No Boletín da provincia o Concello publica a normativa e as ordenanzas do PXOM teense. Nos diferentes títulos que se recollen no anuncio preséntanse diferentes aspectos como o desenvolvemento e execución do Plan, a súa vixencia, os tipos de solo ou de edificación, as normas xerais de edificación, as normas de protección de sistemas naturais e patrimonio cultural, as condicións de urbanización....
O alcalde de Teo, Martiño Noriega, explica que con este trámite “péchase un capítulo longo para o Concello de Teo que xa dispón dun instrumento para o seu desenvolvemento futuro”. Neste senso “comezarase a traballar de xeito inmediato no desenvolvemento do solo industrial situado na zona de Montouto”. Neste momento moitas empresas do Concello “están deslocalizadas por non ter unha alternativa real de ubicación no seu municipio” matiza o rexedor.
O Plan Xeral de Ordenación Urbanística aprobouse pola corporación teense no pleno do 20 de abril de 2010.
+ Novas
- Xa se poden solicitar o uso dos pavillóns municipais para o curso 2010/11
- Un novo concerto do XpresaTe-Ho! trae á formación The Homens a Cacheiras
- Comeza o Diverteo setembro nos Tilos, en Calo e na Ramallosa con case cen nenos/as matriculados/as
- O Concello abre o prazo para anotarse na XIII edición da liga de fútbol sala municipal
- O Concello abre o 1 de setembro a preinscripción nas escolas deportivas e os obradoiros culturais