Novas
OBRAS
Licítanse obras de saneamento e abastecemento en núcleos de Luou e Rarís por máis de 350.000 euros
24/07/2010O Concello de Teo acaba de iniciar a licitación de dúas obras de abastecemento e saneamento en núcleos de Luou e Rarís por un importe que supera os 350.000 euros, e que forman parte do Plan de Cooperación cos Concellos (PCC) da Deputación da Coruña.
A obra de abastecemento e saneamento en Quintáns-A Igrexa en Luou ten un orzamento de 251.560 euros e un prazo de execución de catro meses. O prazo de presentación de ofertas será de 26 días naturais dende a publicación do anuncio de licitación no BOP, que se realizará nos próximos días.
Os traballos de abastecemento e saneamento en Bouñou na parroquia de Rarís ten un orzamento de 125.462 euros e un prazo para realizar a obra tamén de catro meses. Neste caso as ofertas xa se poden presentar rematando o prazo o día 29 de xullo de 2010.
Os pregos de cláusulas das obras así como a información sobre prazos de presentación de ofertas ou garantías esixidas ás empresas pódense consultar no Perfil do Contratante na web municipal www.concellodeteo.com.
+ Novas
- Un novo concerto do XpresaTe-Ho! trae á formación The Homens a Cacheiras
- Comeza o Diverteo setembro nos Tilos, en Calo e na Ramallosa con case cen nenos/as matriculados/as
- O Concello abre o prazo para anotarse na XIII edición da liga de fútbol sala municipal
- O Concello abre o 1 de setembro a preinscripción nas escolas deportivas e os obradoiros culturais
- Regresan os participantes no Campamento Xuvenil