Novas
SENDEIRISMO
O Concello organiza dúas xornadas de sendeirismo para coñecer a riqueza natural da Costa da Morte
21/05/2013 O Concello de Teo organiza o programa de sendeirismo Pateo 2013, con dous roteiros para coñecer a Costa da Morte durante o mes de xuño. A primeira saída será o 15 de xuño polo Concello de Cabana de Bergantiños e o 29 do mesmo mes farase unha andaina polos Penedos de Traba e Pasarela, na Terra de Soneira. Descarga aquí a ficha de inscrición
VERÁN
O Concello presenta a oferta lúdica para o verán con 125 prazas nos campamentos e 165 nos programas de conciliación
09/05/2013 O Concello de Teo presenta a oferta lúdica para os máis pequenos para o verán. Trátase da oferta anual de campamentos e de programas de conciliación que cubren unha demanda existente sobre todo nos períodos de vacacións escolares. Os programas pretenden ademais ter unha parte lúdica que permita que os rapaces e rapazas desfruten dun tempo de lecer en contacto co medio natural nos meses de xullo e agosto. Este ano ofértanse 125 prazas para os campamentos e 165 para o programa de conciliación Verán Animado.
HOMENAXE
Carme Hermida presenta o libro "Marisa Miráns Gómez ou a importancia de ser de Calo"
16/05/2013 Este domingo 19 de maio preséntase en Calo o libro “Marisa Mirás Gómez” de Carme Hermida Gulías, amiga da protagonista da obra e concelleira de Cultura de Teo. A presentación será na Casa Común Marisa Mirás, no lugar da Igrexa, en Calo, ás 13:00 horas. Contará coa presenza do alcalde de Teo, Martiño Noriega, dun representante da familia, dunha persoa da comisión que organiza a homenaxe a Marisa, Paco León, do Presidente do Consello da Cultura Galega, Ramón Villares e a propia autora da obra, Carme Hermida.
BENESTAR
O Concello organiza unha ruta para ver os petróglifos de Cornide o 19 de maio
09/05/2013O Concello de Teo organiza unha ruta para desfrutar dos petróglifos de Cornide e Mouromorto, lugares da parroquia de Calo, o vindeiro domingo 19 de maio. O paseo será pola mañá, a partir das 11:30 hroas e non é preciso anotarse. As persoas interesadas en camiñar poden achegarse á carballeira de Cornide á hora da saída.
CULTURA
O Concello lembra a figura de Vidal Bolaño cunha velada musical e literaria
16/05/2013 O Concello de Teo celebra o día das Letras Galegas cunha velada literaria e musical na que a obra de Roberto Vidal Bolaño, autor ó que se adica este ano o 17 de maio, servirá de fío conductor. O acto será o venres 17 de maio. ás 18:00 horas no CSC da Ramallosa.