Concello de Teo

Carme Hermida presenta o libro "Marisa Miráns Gómez ou a importancia de ser de Calo"

Thu, 16 May 2013 00:00:00 +0200

Este domingo 19 de maio preséntase en Calo o libro “Marisa Mirás Gómez” de Carme Hermida Gulías, amiga da protagonista da obra e concelleira de Cultura de Teo. A presentación será na Casa Común Marisa Mirás, no lugar da Igrexa, en Calo, ás 13:00 horas. Contará coa presenza do alcalde de Teo, Martiño Noriega, dun representante da familia, dunha persoa da comisión que organiza a homenaxe a Marisa, Paco León, do Presidente do Consello da Cultura Galega, Ramón Villares e a propia autora da obra, Carme Hermida.

O Concello organiza unha ruta para ver os petróglifos de Cornide o 19 de maio

Thu, 09 May 2013 00:00:00 +0200

O Concello de Teo organiza unha ruta para desfrutar dos petróglifos de Cornide e Mouromorto, lugares da parroquia de Calo, o vindeiro domingo 19 de maio. O paseo será pola mañá, a partir das 11:30 hroas e non é preciso anotarse. As persoas interesadas en camiñar poden achegarse á carballeira de Cornide á hora da saída.

O Concello lembra a figura de Vidal Bolaño cunha velada musical e literaria

Thu, 16 May 2013 00:00:00 +0200

O Concello de Teo celebra o día das Letras Galegas cunha velada literaria e musical na que a obra de Roberto Vidal Bolaño, autor ó que se adica este ano o 17 de maio, servirá de fío conductor. O acto será o venres 17 de maio. ás 18:00 horas no CSC da Ramallosa.

O CEIP da Ramallosa celebra as letras galegas no Xirimbao cunha xornada de xogos tradicionais

Tue, 14 May 2013 00:00:00 +0200

Os nenos e nenas do CEIP da Ramallosa xogaron esta mañá á corda, ó tres en raia, á mariola, ó pano, ás chapas, á chave, a pescar a botella, a arrastrar a tartaruga, á petanca, ás carreira de sacos, ós aros, á rá, ó tirapedras... Todos eles xogos pouco habituais nas súas xornadas de lecer xa que todos eles son xogos tradicionais. Pero esta mañá foi especial xa que o profesorado e o alumnado da Ramallosa estiveron no Xirimbao para conmemorar o día das letras galegas e pasaron unha divertida xornada de xogos populares. Esta actividade rematou cunha comida neste espazo natural do Concello ó carón do Ulla, momento no que participaron tamén algúns pais e nais.

O Concello presenta a oferta lúdica para o verán con 125 prazas nos campamentos e 165 nos programas de conciliación

Thu, 09 May 2013 00:00:00 +0200

O Concello de Teo presenta a oferta lúdica para os máis pequenos para o verán. Trátase da oferta anual de campamentos e de programas de conciliación que cubren unha demanda existente sobre todo nos períodos de vacacións escolares. Os programas pretenden ademais ter unha parte lúdica que permita que os rapaces e rapazas desfruten dun tempo de lecer en contacto co medio natural nos meses de xullo e agosto. Este ano ofértanse 125 prazas para os campamentos e 165 para o programa de conciliación Verán Animado.

Comezan en maio as clases de ximnasia terapéutica en Cacheiras para maiores de 60 anos

Mon, 06 May 2013 00:00:00 +0200

O Departamento de Benestar pon en marcha a actividade de Ximnasia terapéutica en Cacheiras dirixida a persoas maiores de 60 anos ou con discapacidade. As clases comezan o 15 de maio no local da Sociedade Agrícola e Gandeira de Cacheiras. O horario da actividade será os mércores de 19:00 a 20:00 horas.